«Ұлы Дала Жорығы» бәйгесінің үшінші кезеңі аяқталды
Шабандоздар 300 шақырымды артта қалдырды.
Алматы, NEGE. Әзірге көш басында Маңғыстау облысы келеді. Олар 3 кезеңді 27 сағат 19 минутта жүріп өткен. Ал екінші орында Шымкент қаласының құрамасы тұр. Бұл команда межені 27 сағат 40 минутта өтті. Үздік үштікті - 27 сағат 49 минут нәтижесін көрсеткен ақтөбелік шабандоздар түйіндеді. Сайыстың алғашқы күні жолға шыққан 19 команданың тек 13-і ғана қалды. Астана қаласы мен Алматы, Қарағанды Павлодар, Атырау, Ақмола облыстарының құрамалары жарысты жарты жолдан аяқтауға мәжбүр болды. Бүгін шабандоздар Ұлытау облысының аумағына кіреді.
