ҰҚШҰ қорғаныс министрлерінің келесі отырысы күзде Астанада өтеді
Қазақстанның Қорғаныс министрі Ұйымға мүше мемлекеттердің әскери саясат, әскери даму және әскери-техникалық ынтымақтастық саласындағы өзара іс-қимылын үйлестіру мәселелері бойынша Ұйымның консультативтік-атқару органы жұмысының қорытындысын жариялады.
Алматы, NEGE. Руслан Жақсылықовтың айтуынша, тараптар бірлескен шараларды әзірлеу мақсатында әскери-саяси жағдайды және оның даму тенденцияларын бақылау нәтижелері бойынша тұрақты ақпарат алмасуды жалғастыру туралы шешім қабылдады.
«Отырыс қорытындысы бойынша оқу-жаттығуларды дайындау мен өткізуге, ұжымдық күштерді жарақтандыруға, Біріккен штабтың қызметіне, 2025 жылы бірлескен дайындық іс-шараларына және оларды қаржыландыру мәселелеріне қатысты бірқатар құжаттарға қол қойылды», – деп түйіндеді ол.
Қорғаныс министрлері кеңесінің келесі отырысы осы жылдың қараша айында Астанада
Ұжымдық Қауіпсіздік Кеңесінің сессиясы қарсаңында өтеді.
Естеріңізге сала кетейік, іс-шара Қазақстанның Ұжымдық қауіпсіздік туралы шарт ұйымына төрағалық етуі аясында өтті.