Украинаны тамсандырған тағы бір талант
Өзге елде ұйымдастырылған музыкалық байқауда қазақ өнерпаздарының қатары көбейіп келеді. Бүгінде отандастарымыз кеңінен танылу үшін ауқымды жобаларда бақ сынап жүр. Нәтижеде жаман емес.
«Украина дауысы» жобасында топ жарған кезекті қатысушының есімі - Нұрсұлтан Шатырханұлы. 33 жастағы Алматылық жігіт Andrea Bocelli-дің «Time to say goodbye» әнімен әділ-қазылар алқасының оң бағасын алды. Осымен оныншы мәрте өтіп жатқан ән байқауында бағын сынаған өнерпаз алғашқы кезеңнен сүрінбей өтіп, Тина Карельдің тобына түсті.
