Дүние
Украиналық босқындардың саны 5 млн-ға жуықтады
Туған жерін тастап қашуға мәжбүр болған босқындардың тең жартысы – жасөспірім балалар.
Алматы, NEGE. Украиналықтарға уақытша қорғаныс кепілдігін беруді, әсіресе, Еуропа елдері жүйелендірді. Оның ішінде Бельгия корольдігі ірі және шағын шаhарларында босқындар үшін лагерь құра бастады. Украинадағы әскери қақтығыстың бүгін елу үшінші күні: елде соғыс әлі тоқтаған жоқ. БҰҰ ресми мәліметі шет елге қашқан украиналық босқындардың саны 5 млн-ға жуықтағанын жариялады.
Алты жасар немересімен Харьков қаласынан жыраққа қашуға мәжбүр болған Владимир қазір Бельгияда. Немерем үшін ғана жанымды шүберекке түйдім дейді ақсақал. Бала келесі сейсенбіде жергілікті мектепке бармақшы. Дей тұрғанмен, ракета мен снарядтың дауысынан бүлдіршін әбден шошып қалған, әлі күнге дейін ұшақтың дауысынан үрейі ұшады.