Дүние
Украинада төтенше жағдай режимі жарияланды
Украинада төтенше жағдай режимі жарияланды. Бұл туралы Ұлттық қауіпсіздік және қорғаныс кеңесінің басшысы Алексей Данилов хабарлады.
Алматы. NEGE. Оның айтуынша, аталған режим 30 күнге созылады. Бірақ қажет болған жағдайда ұзартылуы мүмкін. Сонымен қатар, ол төтенше жағдай режимінің әр аймақтағы ахуалға қарай жеңіл немесе қатаң болатынын жеткізді.
«Бұл елдімекеннің Беларусь пен Ресей шекарасына қаншалықты жақын орналасқанына байланысты», - деді Данилов.
Ұлттық қауіпсіздік және қорғаныс кеңесі басшысының айтуынша, мұндай шара елдегі тыныштықты сақтау үшін қабылданып отыр. Және ол украиналықтардың қалыпты өміріне еш әсер етпейді деп сендірді.