Украинада орман өрті өршіп тұр
Украинадағы орман өрті өршіп тұр, деп хабарлайды «Хабар 24». Киев облысы мен Житомир облысындағы тілсіз жауды ауыздықтау үшін 1800-ден астам маман мен 300-ге жуық техника жұмылдырылды.
Алматы, NEGE. Чернобыль атом электр станциясы маңындағы өрт те толығымен өшпей тұр. Мамандардың айтуынша, өңірде қатты жел тұрғандықтан қызыл жалын өршіп барады. Осы аптада өрт радиоактивті қалдықтар сақталатын «Подлесный» жеріне жақындап қалған еді. Естеріңізге салайық, өрттің шығуына 27 жастағы Раговка ауылының тұрғыны айыпталып отыр. Белгілі болғандай, күдікті бұрын сотталған екен. Өзі болса бұған дейін 3 мәрте қураған ағашты өртегенін мойындады.
