Украинада қазақстандық оппозиционер Айдос Садықовқа қастандық жасалды
Киевте Ярмола көшесіндегі метро стансасының жанында оппозиционерге оқ атылды.
Алматы, NEGE. Ер адам әйелімен бірге көлігіне жақындағанда белгісіз ер адам тапаншамен атып кеткен. Жапа шеккен қазақстандық белсенді Айдос Садықов екені белгілі болды.
«Әйелі зардап шеккен жоқ. Ер адамның жағдайы әлі белгісіз. Полиция оқ атқан адамды іздеп жатыр» делінген хабарламада.
Киевте оқ тиген адамның 2014 жылдан бері Украина астанасында тұрып, босқын мәртебесін алған белгілі қазақстандық оппозиция өкілі, журналист Айдос Садықов екенін айтылады.
2023 жылдың қазан айында ол Қазақстанда «әлеуметтік, ұлттық, рулық, таптық немесе діни араздық қоздырды» деген айыппен іздеуге жарияланған болатын.
Бұған дейін ол Қазақстанда елінде бұзақылық жасағаны үшін екі жыл түрмеде отырған. Садықовтың өзі бұл істі ойдан шығарылған және оның саяси қызметіне байланысты деп атады.