Украина соғыстың жаңа кезеңін жариялады
Украина Ресейге қарсы соғыстың жаңа кезеңін бастады, деп хабарлайды Ulysmedia.kz.
Алматы, NEGE. Украинаның қорғаныс министрі Алексей Резниковтың айтуынша, Ресей стратегиялық жеңіліске ұшырады. Себебі 9 мамырға дейін Украина мемлекетін жойып жібере алмады.
Резников Украинаның қорғаныс әлеуетін арттырып, 1 миллион адамды қару-жарақпен және техникамен қамтамасыз етуге уәде берді. Оның айтуынша, қазіргі уақытта 1,5 мыңға жуық украиналық сарбаз Украинаға Батыс елдерінен көмек ретінде жеткізілетін техниканы пайдалану бойынша нұсқаушы мамандығын меңгеруде.
Қорғаныс министрлігінің басшысы Украинаны өте қиын апталар күтіп тұрғанын ескертті, бірақ соғыс қимылдарында бетбұрыс болатынына үміт білдірді.
«Ресейге қарсы санкциялардың күшеюі және алдағы бірнеше ай ішінде Украинаға сыртқы көмектің ұлғаюы Кремльдің кез келген табысқа жету мүмкіндігінен айырылатындай жағдай туғызуы керек. Сонда Украина үшін жаңа мүмкіндіктер жолы ашылады», - деді ол.
