Дүние
Украина карантинді жеңілдетуді сұрады
Жоғары раданың "Слуга народа" фракциясының атынан түскен депутаттары премьер-министр Денис Шмыгальға Украинаның кейбір аймақтарында карантин режимін жеңілдетуді сұрады.
Алматы, NEGE. Бұл туралы фракция басшысының орынбасары Евгений Кравчук хабарлады. Яғни, депутаттар індет аз тіркелген аймақтарда карантинді жеңілдетуді өтінді. Мысалы, Черновиц облысында 1341 адам, Черниговта небәрі 22 науқас тіркелген. Айырмашылық бар. Сондықтан індет елдің экономикалық жағдайына кері әсерін тигізеді.
Бұған дейін Шмыгаль індеттің салдарынан жұмысынан айрылған азаматтардың санын айтқан еді. Оның айтуынша, Украинада ресми түрде 400 мың жұмыссыз тіркелген. Сонымен қатар 2 млн адам жұмысынан айрылып, мәжбүрлі түрде еңбек демалысына шыққан. Соңғы мәліметтерге қарағанда, Украинада індетті 9009 адам жұқтырып, 220-сы көз жұмды. Ал әлемде 3 млн адам жұқтырып, 210, 4 мың адам қайтыс болса, 891 мыңы жазылды.