Дүние
Украина індетпен күреске студенттерді тартты
Украинаның Денсаулық сақтау министрлігі COVID-19 коронавирусымен күресу үшін медициналық университеттердің студенттерін тартуды жоспарлап отыр. Бұл шараға сырттай оқитындар да қатысады.
Алматы, NEGE. Бұл туралы Украина Денсаулық сақтау министрінің орынбасары, Украинаның бас мемлекеттік санитарлық дәрігері Виктор Ляшконың сөзіне сілтеме жасап РИА Новости хабарлады.
«Украинаның Денсаулық сақтау министрлігі медициналық жоғары оқу орындарын ынтымақтастыққа шақырады. Біз бұл шараға, сырттай оқитын интерндерді, сонымен қатар, 5 және 6 курс студенттерін тартамыз. Студенттерді өздері білім алып жатқан оқу орындарындағы жауапты адамдармен байланыс орнатуға шақырамыз. барып, жергілікті дәрігерлерге украиндықтардың өмірін сақтап қалуға көмектесіңіздер», - деді Ляшко.
Еске сала кетейік, Украина үкіметі барлық оқу орындарындағы жастарды 12 наурыздан 3 сәуірге дейін босатқан. Елде қоғамдық шараларды өткізуге тыйым салынды. Сейсенбіден бастап метро жабылды. Қоғамдық көліктер оннан артық жолаушыны тасымалдамайды. Әрі жолаушының барлығы да бетперде киюлері керек.
Соңғы деректер бойынша, Украинада 47 адам індет жұқтырған. Олардың 3-еуі көз жұмса, 1 адам сауыққан.