Украина майдан шебіндегі сарбаздарға берілетін сыйақы мөлшерін көбейтті

Алматы, NEGE. Енді бастама 25 жасқа дейінгі ерікті әскери қызметке кірген барлық сарбаздарға қолданылмақ.

Заңға сәйкес, әскери қызметшілер 1 миллион гривен көлемінде сыйақы алуға құқылы.

Украина Қорғаныс министрлігі бұл сыйақыны алу құқығы бар әскери қызметшілердің негізгі шарттарын атады. Олар:

25 жасқа дейінгі азаматтар әскери жағдай кезінде қызметке алынған немесе келісімшарт бойынша армияға кірген болуы керек.

Кемінде 6 ай соғыс аймақтарында тікелей жауынгерлік әрекеттерге қатысқан болуы тиіс (2025 жылдың 13 ақпанына дейін).

Қазіргі уақытта қызметін жалғастырып жатуы керек (2025 жылдың 13 ақпанына дейінгі үкімет қаулысы күшіне енген сәтте).

Әскери тәртіп бұзушылықтар бойынша екі немесе одан да көп рет қылмыстық немесе әкімшілік жауапкершілікке тартылмаған болуы тиіс.

• Егер сарбаз 6 айға жетпейтін мерзімде соғысқа қатысып, жарақат алса немесе тұтқынға түссе (еріксіз жағдайда), ол да толық көлемде 1 млн грн төлем алады.
• Бұл сыйақы бір реттік төлем ретінде беріледі және жауынгердің банк картасына аударылады.
• Төлемдерді рәсімдеу әскери бөлім командирлеріне жүктеледі. Олар қажетті құжаттарды жинап, әскери қызметшінің бұрынғы бөлімшелерінен сұрау жіберу арқылы мәліметтерді толықтыруы тиіс.

Бұл шешім әскери қызметке ерікті түрде қосылған жастарды ынталандыру және әскердің әлеуметтік кепілдіктерін күшейту мақсатында қабылданды.