Үкімет ERG-дегі үлесін арттыруды жоспарлап отырған жоқ
Вице-премьер – ұлттық экономика министрі Серік Жұманғарин Үкіметтің ERG-дегі үлесін арттыру жоспарда жоқ екенін мәлімдеді.
Астана, NEGE. Бұл туралы вице-премьер Парламент палаталарының бірлескен отырысынан кейін журналистердің сұрағына жауап беру барысында айтты.
«Үкіметтің ондағы үлесі шамамен 40%. Қазіргі таңда бұл үлесті арттыру жоспарда жоқ», – деді ол Үкімет кулуарында.
Сондай-ақ Жұманғарин компанияның жекеменшік акционерлері арасында қандай да бір келіспеушіліктер бар екенінен бейхабар екенін жеткізді.
Бұған дейін Financial Times басылымы Президент әкімшілігінің басшысы Роман Скляр ERG холдингінің бас директоры болуы мүмкін екенін жазған еді.
Қазір Роман Скляр мен қаржы министрі Мәди Такиев Үкімет өкілдері ретінде ERG директорлар кеңесінің құрамына кіреді.
ERG акцияларының 40%-ы мемлекетке тиесілі. Александр Машкевичтің мұрагерлері мен Ибрагимовтар отбасына – 20,7%-дан, ал Патох Шодиевке 18,6% үлес тиесілі.