ҰҚК шекараның жабылуына қатысты пікір білдірді
ҰҚК Шекара қызметі Ресеймен шекараның жабылуы туралы ақпаратқа қатысты түсініктеме берді.
Алматы, NEGE. "Әлеуметтік желілер мен мессенджерлерде қазақ-ресей шекарасындағы өткізу пункттерінің жабылуы туралы ақпарат таралып жатыр. Қазақстандық өткізу пункттері штаттық режимде жұмыс істеп тұрғанын хабарлаймыз", - делінген хабарламада.
Мемлекеттік шекара арқылы адамдарды, көлік құралдарын, жүктер мен тауарларды өткізу Қазақстан Республикасының заңнамалары мен халықаралық келісімдеріне сәйкес іске асырылып жатыр.
"Ресейлік тараптан өткізу пункттерінің жабылуы туралы ресми ақпарат түскен жоқ", - делінген хабарламада.