Үкімет украиналық министрлердің «жалған ПТР-анықтамалары» туралы мәліметке жауап берді
Премьер-министр Асқар Маминнің баспасөз қызметі Украина делегациясы Қазақстанға уақыты өткен ПТР-анықтамамен келді деген мәліметке қатысты пікір білдірді.
Алматы, NEGE. Мұның алдында БАҚ-та Украинаның үкіметтік делегациясының мүшелері – инфрақұрылым министрі Владислав Криклий мен елші Петр Врублевский Қазақстанға коронавирус туралы жалған анықтамалармен келгені хабарланған еді.
Үкіметтегілердің мәліметінше, кездесу аясында Владислав Криклий премьер-министр Асқар Маминмен кездесуі керек болған. Алайда кездесу өтпеген.
«Украина делегациясы мүшелерінің ПТР-анықтамаларының жарамдылық мерзімінің өтуіне (бес күннен аса) байланысты ҚР премьер-министрі Асқар Мамин мен Владислав Криклий кездескен жоқ.
Коронавирус инфекциясы пандемиясы жағдайында кездесуге қатысушылардың қауіпсіздігін қамтамасыз ету мақсатында бірқатар санитарлық ережелер мен шарттарды сақтау, оның ішінде ПТР әдісімен COVID-19-ға тексеру туралы анықтаманың болуы шарт», – делінген хабарламада.
Қазір оқып жатыр
Абай облысында жүргізуші куәлігін алуға көмектескен лауазымды тұлғалар ұсталды
30 маусымда қос Палатаның бірлескен қорытынды отырысы өтеді
«Van Cleef алқасын, Dior сөмкесін пара ретінде алған»: Кореяның экс-бірінші ханымы тағы 7 жыл арқалады
Бейбіт Құсайынов: Қазақстанда екінші орын алсаң, «бірінші орын алдым» деп есептей беруге болады
