Үкімет 2021-2025 жылдарға арналған Шығармашылық индустрияны дамыту тұжырымдамасын бекітті
Қазіргі кезде ол жүзеге асырылып жатыр. ҚР Мәдениет және ақпарат министрі Аида Балаеваның айтуынша, оған қатысты қызметтің 43 түрі белгіленді, деп хабарлады ОКҚ.
Алматы, NEGE. Нәтижесінде ел бойынша 95 мың адам жұмыспен қамтылып, 32 мың кәсіпкердің жұмысы жанданды.
«Жақында шығармашылық жобалардың питчингтері, соның ішінде оқу семинарлары өткізілді. Оған 200-ден астам адам қатысты. Білім беру, сәулет және қала құрылысы, ІТ салаларда 5-тен астам жоба қаржыландырылды, 70 млн теңгеден астам жеке инвестиция тартылды», - деді спикер ОКҚ алаңында өткен баспасөз конференциясында.
Қазір бұл индустрияның әлемдік нарықтағы көлемі 104,2 млрд долларға бағаланады, ал шығармашылық салалардың капиталдануы 2 трлн доллардан асады. Жыл сайын көрсеткіш тағы 15%-ке өсуде.