Дүние
Уханнан 8 қазақстандық келді
8 қазақстандық Уханнан Ресей мен Өзбекстанға эвакуацияланған, – деп хабарлайды Сыртқы істер министрлігінің баспасөз қызметі.
Алматы, NEGE. «Қазақстандық тараптың өтініші бойынша бүгін түнде Қытайдың Ухан қаласынан Ресей мен Өзбекстанның арнайы борттарымен біздің тағы 8 азаматымыз қауіпсіз жерге көшірілді. Біздің бес азаматымыз Ташкент қаласында екі апталық дәрігерлердің бақылауында, ал қалған үшеуі Түмен қаласында қадағалауда болады», – делінген хабарламада.
Сондай-ақ, эвакуацияланғандар арасында осыған дейін ҚХР-ның эпидемиологиялық қызметтерімен дене қызуы салдарынан шығарылмаған Яньцзы Университетінің 1 курс студенті бар. Отырғызу алдында ҚР азаматтары қосымша медициналық тексеруден өтіп, олардың арасында дене қызуы немесе коронавирус симптомдары бар адамдар анықталған жоқ.
Қазақстан 3 ақпанда Ухан қаласынан өзінің 83 азаматын, соның ішінде 80 студентін эвауациялаған еді.