Ухань індеттен толық құтылды
Коронавирус пандемиясы басталған Қытайдың Ухань қаласында індет жұқтырған науқас қалмаған.
Алматы, NEGE. "Ухань дәрігерлері мен оларға елдің түкпір-түкіпірінен көмектесуге келген медицина қызметкерлерінің бірлескен күш-жігерінің арқасында, 26 сәуірдегі жағдай бойынша Ухань ауруханаларында коронавирус инфекциясы бар науқас жоқ", - деді мемлекеттік денсаулық сақтау мәселелері комитетінің ресми өкілі Ми Фэн.
Комитет 25 сәуірде жариялаған статистикалық есепке сүйенсек, індет басталғаннан бері Хубэй провинциясында 68128 вирус (Уханьда - 50333) жұқтыру дерегі анықталған, оның ішінде 63 604 адам жазылса, 4512 адам (Уханьда 3869) қайтыс болған. Сол кезде Уханьда 12 науқас қалғаны хабарланған еді.
