ҰБТ: Түлектер өз біліміне сенген дұрыс
ҚР Білім және ғылым министрлігі Ұлттық тестілеу орталығы директоры Дидар Смағұлов ҰБТ-ға дайындық барысы туралы айтып берді.
Алматы, NEGE. Оның айтуынша, биыл балалар тек өз біліміне сену керек. "Егер тыйым салынған затты алып кірем деген түлек ҰБТ-ға кіре алмайтынымен қоймай, келесі жылғы тестілеуге де қатыса алмайды. Былтырғы жылға қарағанда, биыл телефон алып кірген балалар саны едәуір азайған. 25 тамызға дейін барлық бейнежазбаны талдап, телефон алып кірген баланың грантын әділ тапсырған түлекке береміз" деді ҚР Білім және ғылым министрлігі Ұлттық тестілеу орталығы директоры Дидар Смағұлов.
Биыл түлектер ҰБТ тапсыру өтінішін онлайн тіркеді. Олар тестілеуді де қай күні тапсыратынын онлайн біле алады. Ал қай күні тапсыратынын білмейтіндер болса, ҚР Білім және ғылым министрлігі Ұлттық тестілеу орталығы директоры Дидар Смағұлов өзіне Инстаграм парақшасы арқылы шықса, толық жауап беретінін айтты.
