Уақыт белдеуінің әсерін зерттеуге 160 млн теңге жұмсалады
Уақыт белдеуінің өзгеруінің қазақстандықтардың денсаулығына әсерін зерттеуге 160 миллион теңге жұмсалуы мүмкін.
Алматы, NEGE. Бұл туралы Мәжіліс алаңында Ғылым және жоғары білім министрі Саясат Нұрбек мәлім етті.
«Үш жылдық зерттеуге өтінім келіп түсті. Бюджеті – 160 млн теңге. Ал шын жағдайда 90-100 млн теңге кететін шығар деп ойлаймын. Өйткені біз конкурс жариялаймыз. Кеше жоғары ғылыми-техникалық комиссияның отырысы өтті. Ұлттық ғылыми кеңес зерттеудің нақты құнын анықтайды», - деді министр.
Ол қоғамдық сұранысқа байланысты қосымша зерттеулер жүргізуге шешім қабылданғанын айтты. Зерттеуге география, зоология институттары қатысады.
Әзірге зерттеудің алгоритмі мен егжей-тегжейі белгісіз.