ТЖМ: Шахтада апаттық-құтқару жұмыстары үздіксіз жүріп жатыр
Төтенше жағдайлар министрлігі Костенко атындағы шахтада апаттық-құтқару жұмыстары қалай жүргізіліп жатқанын айтты.
Алматы, NEGE. Облыстық төтенше жағдайлар департаментінің басшысы Мұрат Қаптановтың айтуынша, Костенко шахтасында авариялық-құтқару жұмыстары үздіксіз жүргізіліп жатыр. Құтқару бөлімшелері барлық қажетті іс-шараларды ауысыммен жасап жатыр.
"Жұмыстар тәулік бойы екі өндіру учаскесінде жүргізіліп жатыр. Тау-кен құтқарушыларының күштері кеншілерді іздеуге шоғырландырылған. Электр энергиясының жетіспеушілігі, тау-кен жұмыстарының көптігі, жеке су басқан қазбаларға қолжетімділіктің болмауы, көптеген бұзылған механизм мен құрылыстың болуы қиындық туғызып жатыр. Сондай-ақ, қаза апқандардың денелерін жер бетіне шығару жұмыстары жүргізіліп жатыр. Апат орнында ашық жану ошақтары жоқ", – деді.
Авариялық-құтқару жұмыстарына «Кәсіби әскерилендірілген авариялық-құтқару қызметтерінің республикалық орталық штабы» ЖШС Қарағанды филиалының тау-кен құтқарушыларының 10 бөлімшесі жұмылдырылды. Газ жағдайын бақылау жалғасуда.
Ақпараттық және психологиялық қолдау көрсету үшін Қарағанды қаласында (ТЖД 8-7212-51-72-23, АрселорМиттал Теміртау 8-7212-49-72-70) және Астанада (8-7172-70-41-08) «жедел желі» телефондары жұмыс істейді. Жедел желі нөмірлеріне барлығы 400-ге жуық қоңырау түсті. 20 психолог шұғыл психологиялық көмек көрсетеді.
