ТЖМ Семейдегі су тасқынына байланысты соңғы мәліметтерді жариялады
ТЖМ қаладағы жағдай туралы соңғы мәліметтерді таратты.
Семей, NEGE. «ЖАО күшімен Щорс, Кирпичный, 3-ші Лодочная, Восточный және Подгорная кенттері, сондай-ақ қаланың басқа бөліктерінде су айдау жұмыстары жүргізілді, «Теплокомэнерго» МКҚК-мен бірлесіп инертті материал таратылды. Департамент қызметкерлері Красин, Садовая және Менжинский көшелеріндегі аула аумақтарынан су айдау жұмыстарын жүргізді», - делінген хабарламада.
Арық жүйесін тазарту үшін ТЖМ 68303 Ә/Б күштері мен құралдары тартылды. Қазіргі уақытта қала көшелерінен 1500 текше метрден астам су айдалған.
«Жұмыстарға ЖАО, ТЖД және 68303 ӘБ-нің жеке құрамның 60-тан астам адамы және 20-дан астам техника жұмылдырылды. Еріген суды сору жұмыстары аяқталды. ЖАО және ТЖД күштерімен қала көшелеріндегі ахуалға мониторинг жүргізілуде», -деп хабарлады ТЖМ.