ТЖД алматылықтарға ескерту жасады
Алматы қаласының Төтенше жағдайлар департаменті алматылықтар мен қала қонақтарына демалыс күндері қатты жаңбыр жауып, тауларда найзағай ойнайтынын ескертті.
Алматы, NEGE. Алматы тауларында дауылды ескерту жарияланды. 30 шілдеде күндіз, 31 шілдеде түнде кей жерлерде қатты жаңбыр, бұршақ жауады. Кей жерлерде найзағай ойнайды. Оңтүстік-батыстан соғатын желдің екпіні 15-20 м/с жетеді.
"Азаматтардан демалыс күндері тауға шығудан бас тартып, 112 қызметінің SMS хабарламаларын назардан тыс қалдырмауларын сұраймыз!", - деп хабарлады Алматы Төтенше жағдайлар департаменті.