Тұзкөл – Хан Тәңірдің айнасы!

Тұзкөл – Алматы облысының Райымбек ауданындағы тылсымға толы сұлу көлдердің бірі. Көл теңіз деңгейінен 1951 метр биіктікте жатыр. Тұзкөлдің ащылығы сондай, оны Израильдегі Өлі теңіз бен АҚШ-тағы Үлкен тұзды көлмен салыстыруға болады. Көлдің көп жерінің тереңдігі 1 метрден аспағанымен, жауынды жылдары 3 метрге дейін көтеріледі. Жағалауының ұзындығы – 16,6 шақырым. Тұзкөлдің тұзды батпағын Алматы қаласы мен Алматы облысындағы бірқатар шипайжайлар емдікке пайдаланады.