Түрмедегі төбелес: Күдікті қайтыс болды
Қарағанды тергеу изоляторындағы камерада ер адам қайтыс болды, деп хабарлайды ІІМ ҚАЖК баспасөз қызметі.
Алматы, NEGE. Комитеттің хабарлауынша, 2 желтоқсанда Қарағанды облысы бойынша ҚАЖ департаментінің тергеу изоляторының қызметкерлері мекеме камерасынан қамауға алынғандардың бірінің мәйітін тапты. «Жедел-тергеу іс-шаралары барысында камерадағы адамдардың арасында жанжал туып, ол төбелеске ұласқаны мәлім болды. Олардың бірі екіншін жаралап, салдарынан ер адам қайтыс болды», – деп хабарлады ҚАЖК баспасөз қызметі.
Күдікті кінәсін мойындаған. Осы факті бойынша сотқа дейінгі тергеу жүргізілуде.