Дүние
Түрмеде 43 жыл отырған адамның жазықсыз екені анықталды
АҚШ-тың Канзас-Сити қаласының тұрғыны Кевин Стриклендке қате айып тағылып, өмір бойына сотталған. 43 жылдан соң ғана оның жазықсыз екені анықталып отыр. Бұл туралы New York Post жазды.
Алматы, NEGE. 1978 жылы сәуірде Миссури штатында біреулер үш бірдей адамды өлтіріп кеткен. Кевин Стрикленд ол кезде небәрі 18 жаста еді. Терісінің түсі қара болғандықтан ол күдіктінің бірі болып танылған. Сот оны шартты түрде босату құқығынсыз өмір бойына түрмеге қамауға үкім шығарған.
Джексон аймағының прокурорлар офисі айыпты былтыр қараша айында қайта қарай бастаған. Басқа екі адам 1978 жылы болған кісі өлтіру қылмысын мойындап, Стриклендтің ол жерде мүлде болмағанын, қылмысқа қатысы жоқ екенін айтқан. Оның үстіне, қылмысқа қатысты қаруда оның саусақ іздері болмағаны анықталып отыр.
«Соңғы айларда айғақтарды қарап шыққан мамандардың бәрі Стриклендті ақтау керек деп отыр», – дейді аймақтық прокурор.