Түркістандықтар ашық аспан астында тоғызқұмалақ ойнай алады
Түркістан тұрғындары енді қазақтың ұлттық ойыны – тоғызқұмалақты ашық аспан астында ойнай алады, деп хабарлады Түркістан облысы әкімдігінің ресми сайты.
Алматы, NEGE. Қазақтың ұлттық ойыны соңғы жылдары ерекше дамып келеді. Осы мақсатта Түркістан қаласындағы Этноауылда тоғызқұмалақ аллеясы ашылды. Енді қала қонақтары мен тұрғындары ашық аспан астында ойнай алады.
"Бұл бастамаға Дүниежүзілік Көшпенділер ойынын қолдау мақсатында Түркістанның тумасы, Тоғызқұмалақ федерациясының вице-президенті Мақсат Раманқұлов ұйытқы болып, облыс орталығына сый жасады", - деп жазылған әкімдіктің хабарламасында.
Дүниежүзілік және Республикалық Тоғызқұмалақ федерациясының Президенті, қоғам қайраткері Әлихан Байменов өз сөзінде бұл шара зияткерлік пен дәстүрді тоғыстыратын тоғызқұмалақ спорт түрінің рухани шаһарда қарқынды дамуына жол ашады деді. Шара барысында алғашқы сайысы ұйымдастырылып, жеңімпаздарға арнайы сый-сияпат ұсынылды. Алдағы күндері төрт тоғызқұмалақ тақтасы орнатылып, ел игілігіне беріледі.
Айта кетейік, Түркістанда былтыр ашылған Балалар және жасөспірімдер спорт клубында қазақ халқының мұрасына айналған тоғызқұмалақ үйірмесі бар. Мұнда бір жаттықтырушы көптеген шәкірт тәрбиелеп, ұлттық спортқа баулып жүр.
Қазір оқып жатыр
Қазақстанда қылмыстық және әкімшілік рақымшылыққа кімдер ілігуі мүмкін?
Пластикалық ота жасатуға барған: Алматыда блогер Сәуле Ермаханова көз жұмды
Көлік әйнегін күңгірттеу бюджетке қосымша табыс әкелуі мүмкін
Тараз тұрғындары балабақша маңынан жүйіткіп өтетін көліктерден қауіптеніп, полициядан көмек сұрады
