Түркістандық оқушы Еліміз бойынша ҰБТ-дан ең жоғары ұпай жинады
Кентаулық талапкер Айдос Қожанов Ұлттық бірыңғай тестілеуден өтіп, жоғары 138 балл жинады, деп хабарлады Түркістан облысының Өңірлік коммуникациялар қызметі.
Түркістан, NEGE. Бұл көрсеткіш әзірге еліміз бойынша ең жоғары нәтиже. Айдос Хайруллаұлы 10 жыл бойы №16 Юрий Гагарин атындағы мектеп-лицейінде оқып, 11 сыныпта «Грант» мектебіне ауысқан.
Айдос болашақта математика пәнінен мұғалім болғысы келеді.
Айта кетсек, Түркістан облысында 2023-2024 оқу жылында Ұлттық бірыңғай тестілеуге қатысуға 27 340 оқушы өтінім білдірген. Жалпы облыста 32 306 оқушы 11-сыныпты тәмамдаған. Оның 1 727-і - «Алтын белгі» белгіге, 2 466 оқушы - «Үздік аттестатқа» үміткер.
