Түркістандағы бейінді университет 5 жылдық мерейтойын атап өтпек

Түркістан, NEGE. Халықаралық туризм және меймандостық университеті – туризм саласында халықаралық деңгейдегі жоғары білікті мамандар даярлайтын еліміздегі алғашқы бейінді университет. 66 тәжірибе орталығында әртүрлі келісім негізінде:

– 18 студент Rixos Dubai қонақ үйінде білім алды; 

– Kemer Holiday Club-пен ынтымақтастық орнатты;

– Түркияда 22 студентке арналған жазғы өндірістік практика ұйымдастырылды.

Дене шынықтыру және спорт саласында әртүрлі деңгейдегі жарыстардың 97 жүлдегері білім алуда. Университеттің 2 студенті 2024 жылғы Париж Олимпиадасының лицензиясын жеңіп алды.

Қазіргі таңда университетте 2 554 студент білім алады, оның 2 338-ы грантта оқиды. Биыл университет алғашқы 460 түлекке диплом табыстайды.

Бүгінде туризм саласындағы кадрлар тапшылығын ескере отырып, келесі оқу жылынан бастап 3 жылдық білім беру жүйесіне көшу жоспарлануда. Сабақтар триместр – 10 апталық теориялық оқыту мерзімімен ұйымдастырылып, білім алушылар бакалавр дипломын 3 жылда алады.