Түркістанда бірнеше күн бұрын суға батып кеткен 2 жасар қыздың денесі табылды
2026 жылғы 4 сәуір күні Түркістан облысының Сайрам ауданындағы Машат елді мекенінде қайғылы оқиғаға байланысты іздестіру-құтқару жұмыстары аяқталды, деп хабарлады ТЖМ.
Алматы, NEGE. Машат өзенінде жүргізілген жұмыстар барысында Төтенше жағдайлар министрлігінің жедел құтқару жасағы 2024 жылы туған баланың денесін тапты.
Алдын ала мәліметтерге сәйкес, бүлдіршін 31 наурыз күні өзенге абайсызда құлап кеткен. Оқиғадан кейін бірден басталған іздестіру шаралары бірнеше күнге созылды.
Құтқарушылардың мәліметінше, баланың денесі өзен ағысымен шамамен 7 шақырым төмен жерден табылған.