Түркістан облысында жол апатынан үш адам қаза тапты
Түркістан облысында екі жеңіл көлік соқтығысып, үш адам қаза болды.
Астана, NEGE. Облыстық полиция департаменті баспасөз қызметінің мәліметінше қайғылы жағдай Қазығұрт ауданы «Қазығұрт – Жібек жолы» тасжолында болған.
«Алдын ала мәлімет бойынша, Kia көлігінің жүргізушісі көлікке ие бола алмай, Haval автокөлігімен соқтығысқан», – делінген хабарламада.
Оқиға орнында үш адам көз жұмды. Тағы бірнеше адам әртүрлі жарақаттармен ауруханаға жеткізілді.
Құқық қорғау органдары оқиғаның мән-жайын анықтау үшін сотқа дейінгі тергеп-тексеру жұмыстарын бастады.