Түркістан облысында жас қызды зорлады деген айыппен шетел азаматына үкім шықты
Түркістан облысы Ордабасы ауданындағы 16 жастағы қыздың өліміне қатысты сот үкімі жарияланды.
Астана, NEGE. Айыпталушы 38 жастағы Өзбекстан азаматы Қылмыстық кодекстің «Адам өлтіру», «Зорлау» және «Зорлық-зомбылықпен жыныстық сипаттағы зорлық көрсету» баптары бойынша кінәлі деп танылып, өмір бойына бас бостандығынан айырылды, – деп жазады Otyrar.
Қайғылы жағдай 6 маусымға қараған түні болған. Бойжеткен отбасына тиесілі азық-түлік дүкенінен үйіне келе жатып жоғалып кеткен, ал денесі сол күні таңертең балабақшаның маңынан табылған.
Сот отырысы жабық өтті. Айыпталушыға өмір бойына бас бостандығынан айыру жазасымен қатар, жәбірленушінің отбасына 50 миллион теңге көлемінде өтемақы төлеу міндеттелді. Ол жазасын қауіпсіздігі барынша жоғары түзеу мекемесінде өтейді.