21 Наурыз 04:34
Түркістан облысында заңсыз ақша аударумен айналысқан күдікті ұсталды
Түркістан облысында полиция заңсыз ақша аударумен айналысқан күдіктіні ұстады, деп хабарлайды Polisia.kz.
Алматы, NEGE. Түркістан облысы тұрғындарының бірі полицияға шағымданып, хабарландыру бойынша трактор сатып алуға шешім қабылдап, алаяқтарға сенім артып, олардың шотына 1 миллион теңгеге жуық ақшасын аударғанын жеткізді.
Жедел-іздестіру іс-шаралары барысында Жетісу облысының тұрғыны анықталды, ол дропер болып шықты. Күдікті жәбірленушілердің ақшасын алаяқтардың көрсетілген шоттарына аударып, сол үшін сыйақы алған.
Қазіргі уақытта жас жігіт қамауға алынып, оның басқа да осындай қылмысқа қатысы бар екені анықталды. Сондай-ақ алаяқтыққа қатысы бар басқа да адамдарды анықтау бойынша жедел іс-шаралар жүргізіліп жатыр.
