Түркістан облысында автомобиль көпірі опырылып түсті
Түркістан облысында Келес өзені арқылы өтетін автомобиль көпірі құлады.
Астана, NEGE. Бұл жағдай 17 желтоқсан күні болған. Бұған дейін тұрғындар көпірде жарық пайда болғанын байқаған.
Оқиға орнына шенеуніктер, полицейлер мен құтқарушылар келіп, көпірді жапқан, алайда біраз уақыттан кейін ол опырылып құлаған. Абырой болғанда, зардап шеккендер жоқ.
Аудандық әкімдіктегілердің мәлімдеуінше, көпір ұзақ уақыт бойы қолданыста болған, сондай-ақ оның бағаналарын су шайып кеткен.
Көпір Түркістан облысының жолаушылар көлігі және автомобиль жолдары басқармасының балансында болған.