Түркияда қазақстандық құтқарушы иттің үйінділерден тірі адамдарды іздеген видеосы жарияланды
Қазақстандық құтқарушыларды тағы бір объектіге тарту туралы шешім қабылданды. Бұл - іздестіру-құтқару жұмыстары жалғасып жатқан учаскелердің жанында орналасқан толығымен қираған үй, деп хабарлады ТЖМ.
Алматы, NEGE. Бұл нысанда ТЖМ Республикалық жедел-құтқару жасағының кинологиялық есептобының Джейкоб есімді иті тірі адамның үйінділердің астында болуы мүмкін екендігі туралы сигнал берді.
Джейкобтың сигналы негізінде “тыныштық минутын” жариялау туралы шешім қабылданды. Бұл уақыт көмек сұраған кезде адамдардың үйінділердің астындағы дауыстарын естуге арналған.
Джейкоб - нағыз дос, малинуа тұқымының иті. Төтенше жағдайға тап болған адамдарға қаншама рет көмектескен.
6 жыл бойы құтқарушы болып жұмыс істейді.
