Дүние
Түркияда бір миллионнан астам адам вакцина салдырды
Бұған дейін Түркияда бір миллионнан астам адам салдырса, бүгін «Корона-Вак» екпесінің 10 миллионнан астам дозасы жеткізіледі.
Алматы, NEGE. Бұл туралы осы елдің президенті Режеп Тайып Ердоған мәлімдеді. Қытайлық вакцинаның 3 миллион дозасын қамтыған бірінші партиясы өткен жылдың аяғында келген болатын. Жалпы Түркияда вакциналау науқаны 14 қаңтарда басталды. Содан бері 1 миллионнан астам адам екпе салдырған. Препаратты бірінші кезекте медицина қызметкерлері мен қарттар қабылдауда. Естеріңізге сала кетейік, Түркияда індет басталғалы бері 24 мыңға жуық тұрғын қайтыс болып, 2 жарым миллиондайы коронавирус жұқтырған.