Түркияда қонақ үйдегі өртке қатысы бар деген күдікпен 15 адам қамалды
Түркияның Болу провинциясындағы Карталкая тау шаңғысы курортында өртеніп кеткен «Гранд Картал» қонақүйінің иесі оқиғаға қызметкерлерді кінәлады, деп хабарлайды Kazinform.
Алматы, NEGE. Аталмыш басылым атап өткендей, Халит Ергүл қайғылы оқиғаға аспазды, күзетшілерді, консалтингтік компания мен электрикті кінәлап отыр.
— Қонақүй өртке қарсы барлық сақтық шарасын қабылдады. Тексеру барысында олқылықтар анықталмады, – деді ол.
Сот тергеуі жалғасуда. Өртке қатысы бар деген күдікпен әзірге 15 адам қамауға алынды.
Естеріңізге сала кетейік, қайғылы оқиға қонақүйдегі өрт қауіпсіздігінің өрескел бұзылуын әшкерелеген болатын. Қызметкерлер өрт қауіпсіздігі жүйесі іс жүзінде жоқ екенін айтты.
Анықталғандай, дабыл жүйесі жұмыс істемейді, өрт сөндіргіштер жоқ, өрт сөндіру сатысы адамдарды тиісті деңгейде эвакуациялауды қамтамасыз етпеген. Бұл олқылықтар құтқару жұмыстарының кешігуіне және құрбандар санының көбейе түсуіне себеп болған.