Дүние
Түркия Президенті Қазақстанның індетке қарсы іс-шараларына жоғары баға берді
Түркия Президенті Режеп Тайып Ердоған Қасым-Жомарт Тоқаевқа хат жолдап, Қазақстанның COVID-19 індетіне қарсы іс-шараларына жоғары баға берді, деп хабарлайды «Хабар 24».
Алматы, NEGE. Хатта: «Кеселге қарсы жұмыстарыңызды мұқият қадағалап отырмыз. Қазақ халқы бұл дағдарысты аз шығынмен еңсеретініне сенімім мол. Достас әрі бауырлас Қазақстанға қол ұшын созуға әрдайым дайынбыз. Қазақстандық достарымыздың күш-жігеріне қолдау болар деген ниетпен еліңізге медициналық жабдықтар жіберудемін», – делінген.
Түркия Президенті вирустан көз жұмған азаматтардың отбасыларына көңіл айтып, науқастардың тезірек сауығуына тілектестігін жеткізді. Соңында екіжақты стратегиялық әріптестік дағдарыстан кейін қазіргіден де беки түсетініне сенім білдірген.