Дүние
Түркия Асадтан әскерін Идлибтен алып кетуді талап етті
Түркия президенті Реджеп Ердоған биліктегі әділет пен даму партиясының парламенттік фракциясының отырысында Сирия басшысы Башар Асадқа талап қойды.
Алматы, NEGE. Башар Асад ақпан айының аяғына дейін Идлиб провинциясындағы Түркияның бақылау бекеттеріне жақын жердегі әскерін әкетпейтін болса, Түркия оларды өз күшімен қуып шықпақ. Ердоған Сириядағы жағдайдың ушығып бара жатқанына байланысты, Сириямен шекарадағы қауіпсіздік мәселесін ерекше назарда ұстайтынын мәлімдеді.
«Идлибтен Түркияның бақылауындағы сириялық аудандарға және Түркияның шекарасына қашып келген босқындар саны миллионнан асып кетті. Анкараның мойнына осындай ауыр жүк іліп қоюға ешкімнің қақысы жоқ», - деді Ердоған.
Түрік президенті бұдан былай Сириядағы бітім туралы келісімді бұзғанддарға қарулы күш қолданатынын бұл туралы Башар Асад пен Ресей президенті Владимир Путинге ескерткенін айтты.