Түркістан тұрғыны көлік нөмірінің орнына балағат сөз жазып алған
Түркістан тұрғыны көлік нөмірінің орнына бейәдеп сөз жазып алған, – деп хабарлайды Polisia.kz.
Алматы, NEGE. Түркістан қалалық Полиция басқармасының патрульдік полиция қызметкерлері қоғамдық тәртіп пен жол қозғалысы қауіпсіздігін қамтамасыз ету мақсатында күнделікті жұмыс атқарады. Осындай кезекті жұмыс кезінде полицейлер жол ережесін бұзу бойынша әкімшілік құқық бұзушылықты анықтады.
Нақтырақ айтсақ, тәртіп сақшылары С.Ерубаев көшесіндегі қалалық саябақтың жанында мемлекеттік нөмірінің орнына бейәдеп сөз таққан Hyundai Accent көлігін байқады. Содан тәртіп сақшылары оқиғаның мән-жайын анықтау үшін жедел шаралар қабылдады. Нәтижесінде полицейлер мемлекеттік нөмірдің орнына бейәдеп сөз орнатқан Hyundai Accent автокөлігі жүргізушісінің жеке басын анықтады.
Аталған Түркістан қаласының тұрғынына қатысты полиция қызметкерлері ҚР ӘҚБтК-нің 590-бабы 1-бөлігі (Көлiк құралдарын пайдалану қағидаларын бұзу) бойынша әкімшілік хаттама толтырды. Автокөлік айыптұраққа қойылды.