Түркістан облыстық азаматтық сот алқасының төрағасы ұсталды
Бүгін Түркістан облыстық азаматтық сот алқасының төрағасы Түгел Бекбайұлы Бекімбетов парамен ұсталды. Бұл туралы Nege.kz редакциясына тұрақты оқырманымыз хабарлады.
Түркістан, NEGE. Оқырманымыздың айтуынша, облыстық азаматтық сот алқасының төрағасы Түгел Бекімбетовті Сыбайлас жемқорлыққа қарсы іс-қимыл агенттігінің қызметкерлері құрықтаған. Сот төрағасы азаматтық істі апелляциялық сатыда оңтайлы шешіп беру үшін кезекті рет 220 мың теңге пара алып жатқан жерінен қолға түскен.
Түгел Бекбайұлы Бекімбетов 1963 жылы Өзбекстанның Тахтияташ қаласында дүниеге келген. Қазақ, орыс, өзбек тілдерін біледі. Университетті Тәшкенде бітірген. Заң ғылымының докторы. 2015 жылы 18 желтоқсанда ҚР Президентінің жарлығымен Оңтүстік Қазақстан облыстық сотының азаматтық істер жөніндегі сот алқасының төрағасы болып тағайындалған.
