Түркістан облысының екі ауылы басқа жерге көшірілуі мүмкін
Түркістан облысы Мақтаарал ауданы Жаңатұрмыс және Жеңіс ауылдары басқа жерге көшірілуі мүмкін, деп хабарлады Түркістан облысы әкімінің орынбасары Сәкен Қалқаманов.
Алматы, NEGE. «Екі елдімекен тұрғындарын көшіруді талқылауды бастадық, яғни төмен орналасқан Жаңатұрмыс және Жеңіс ауылдарын, бұл ауылдар Мақтаарал ауданының ең төменгі нүктелері, олар су тасқынынан қатты зардап шекті, учаскесінің 100%-ын су басқан. Ол үйлердің барлығын басқа жерге көшіруді жоспарлап отырмыз», – деді Қалқаманов сейсенбідегі брифингте.
Бұл ретте ол атап өткендей, қазіргі таңда облыс әкімдігі жер іздестіруде және мемлекеттік комиссияның шешімін күтуде.
