Түркістан облысында заңсыз сасыр өндірген 51 шетелдік ұсталды
Түркістан облысында полицейлер заңсыз сасыр өндірумен айналысқан 51 шетелдікті анықтады, деп хабарлайды Zakon.kz.
Түркістан, NEGE. "Отырар ауданының полиция қызметкерлері профилактикалық іс-шара барысында Қарақоңыр ауылдық округіне қарасты далалық алқаптарда дәрілік сасыр теріп жүрген 51 шетел азаматын анықтады. Оның 31-і Өзбекстан, 17-сі Тәжікстан азаматтары", - деді Түркістан облысы полиция департаментінің баспасөз қызметі.
Полиция қызметкерлері Қазақстан Республикасының Әкімшілік құқық бұзушылық туралы кодексінің 517-бабының 5-бөлігі «Шетелдiктiң немесе азаматтығы жоқ адамның Қазақстан Республикасының халықтың көшi-қоны саласындағы заңнамасын бұзуы» бойынша әкімшілік хаттама толтырды.
Шет ел азаматтары соттың қаулысымен елден шығарылды.