Түркістан облысында 60 отбасы баспанамен қамтылды
Түркістан облысында 60 отбасы баспаналы болды, деп хабарлады ҚазАқпарат.
Алматы, NEGE. Тәуелсіздік күні мерекесі мен Төлеби ауданының құрылғанына 90 жыл толуына орай Ленгір қаласында 3 көпқабатты тұрғын үй пайдалануға беріліп, әлеуметтік осал топтар санатындағы 60 отбасы баспаналы болды.
Жаңа қоныс иелерін Түркістан облысының әкімі Дархан Сатыбалды құттықтады.
«Тәуелсіздік алған 31 жыл ішінде мемлекетімізде ауқымды жұмыстар атқарылды. Азаттықтың арқасында ауылдарды дамытуға мүмкіндік туды.
Осы уақыт ішінде бір ғана Төлеби ауданында мемлекет есебінен 30-ға жуық көпқабатты тұрғын үйдің құрылысы жүргізіліп, 1 500 отбасы қоныс тойын тойлады. Осының бәрі – халықтың әл-ауқатын арттыруға бағытталған салиқалы саясаттың жемісі. Мемлекет басшысы Қасым-Жомарт Кемелұлы Тоқаев тұрғындарды баспанамен қамтуды басты назарда ұстайды. Бұл бағыттағы жұмыстар жалғаса береді», – деді Дархан Сатыбалды.
