Түркістан облысына Өзбекстаннан дәрі-дәрмек жеткізілді
Түркістан облысына Өзбекстаннан қомақты дәрі-дәрмек жеткізілді. Вируске қарсы және дене қызуын түсіретін 4 миллион қорап препарат өңірдегі мемлекеттік ауруханаларға таратылады.
Алматы, NEGE. Дертке қарсы дәрілер көрші елден өткен аптада да әкелінген болатын. Бұл мақсатқа жергілікті бюджеттен 100 млн теңге бөлінген. Қоймадағы қор да қажетті препараттармен толықтырылады.
Облыстық қоғамдық денсаулық сақтау басқармасының басшысы Марат Пашимов: "Жергілікті бюджеттен 500 млн теңге бөлінген болатын. Бұл екінші траншы. Алдағы бір апта ішінде Түркиядан да дәрі-дәрмектің 11 түрі жеткізілетін болады. Қазіргі алғанымыз екі айлық қормен тең. Оның жартысы медициналық ұйымдарға таратылады. Ал қалғаны тұрақтандыру қорында сақталады", - деді.