Түркістан облысында екі ауыл карантинге жабылды
Түркістан облысы Қазығұрт ауданында екі ауыл карантинге жабылды, - деп хабарлады Tengrinews.kz
Алматы, NEGE. Алтынтөбе ауылдық округіне қарасты Қаржан елдімекені мен Қызылата ауылында шектеу шаралары енгізілді. Себебі ондағы ұсақ малдан бруцеллез анықталған. Жұқпалы аурудың өзге ауылдарға тарап кетпесі үшін ауыл әкімдігі осындай шешім қабылдаған.
Қазір бұл елдімекендерде малды емдеп жатыр. Ал өзге тұрғындар төрт түлігін далаға шығармауы тиіс. Елдімекендегі өзге үй жануарлары бір айға жуық ветеринар мамандардың бақылауында болады.