Тұрғын үйдің лифтін аяқпен теуіп шақырған астаналық фельдшерге айыппұл салынды
Елордадағы тұрғын үйлердің бірінде лифт батырмасын аяқпен теуіп басқан фелдьшерге 5 АЕК көлемінде айыппұл салынды, деп хабарлайды ҚазАқпарат.
Астана. NEGE. Бұл туралы Нұр-Сұлтан қаласы полиция департаментінің баспасөз қызметі мәлім етті. «Әлеуметтік желілерге мониторинг жүргізу барысында жедел жәрдем қызметкерінің киімін киген адамның «Ақ дидар» тұрғын үй кешенінде лифт панелін аяқпен басып, лифт шақырған видеосы табылды.
Полицейлер видеодағы жігіттің 24 жастағы фельдшер екенін анықтады. Оның үстінен ҚР Әкімшілік құқық бұзу туралы кодекстің 434-бабы (ұсақ бұзақылық) бойынша әкімшілік іс қозғалды. Мамандандырылған ауданаралық әкімшілік соттың шешімі бойынша тәртіп бұзушыға 5 АЕК (15 315 теңге – ред.) көлемінде айыппұл салынды», - деп жазылған мәліметте.
Нұр-Сұлтан қаласының полиция департаменті тұрғын үй-жайларды бүлдіружәне айналадағыларға құрмет білдірмеу, қоғамдық тәртіпті бұзатын басқа да әрекеттер жауапкершілік арқалататынын ескертіп отыр.