Тұрғын үй құрылысының қарқыны төмендеді
Елімізде тұрғын үй құрылысы қарқынының төмендегені байқалады, деп мәлімдеді ҚР индустрия және инфрақұрылымдық даму министрі Бейбіт Атамқұлов. Бұл туралы ҚазТАГ хабарлады.
Алматы. NEGE. «2020 жылдың І тоқсанының қорытындысы бойынша тұрғын үй құрылысы бойынша 2 642 мың ш.м. баспана пайдалануға берілді, бұл 2019 жылғы сәйкес кезеңдегі көрсеткіштің 96,4% құрайды. Тұрғын үйді пайдалануға беру көлемі жылдық жоспарға 18,7% (жоспар 14,1 млн. ш.м) құрайды», - деді Атамқұлов сейсенбідегі үкімет отырысында.
Тұрғын үйлерді пайдалануға беру көрсеткіштері Батыс Қазақстанда (57,5%), Атырау (66,6%), Түркістан (76,5%) және Маңғыстау (94,7%) облыстары мен Шымкентте (24,3%) төмендеді. Тұрғын үйді пайдалануға беру көлемінің былтырғы жылмен салыстырғанда артуы 12 өңірде байқалған.
ИИДМ ақпарынша, барлығы республика бойынша 21 069 дана тұрғын үй (соның ішінде – 9 969 жеке тұрғын үй) пайдалануға берілген.