Тұрғымбаев: Кексель Қазақстаннан кеткен жоқ
Ішкі істер министрі Ерлан Тұрғымбаев Бас прокуратураның Арнайы прокурорлар қызметінің бұрынғы басшысы Олеся Кексельге қатысты мәлімдеме жасады. Бұл туралы «NUR.KZ» хабарлады.
Алматы, NEGE. Министрдің айтуынша, қадағалаушы органның бұрынғы қызметкері Қазақстаннан кеткен жоқ. Бұған дейін БАҚ-та «Кексель прокуратурадан босаған соң Германияға кетіп қалды» деген ақпарат тараған-ды.
Министрдің сөзіне қарағанда, тергеу кезінде азаптау және заңсыз іс-әрекеттер туралы арыз министрлікке түскеннен кейін тергеу шаралары басталған. Арыз тиісті тәртіппен тіркелген.
Арызды тексеру жөніндегі тапсырма бас прокуратура тарапынан берілгеніне қарағанда, қадағалаушы орган да бұл істен жақсы хабардар.
Министр Е.Тұрғымбаев бұдан өзге ақпаратты жарияламады. Естеріңізге сала кетейік, Бас прокуратураның бұрынғы ққызметкерлері О.Кексель мен Б.Ғаббасовқа қатысты іс ІІМ-де қаралып жатқанын бұған дейін жазған болатынбыз.