Тунисте өткен жарыста Қазақстан балуандары жеті медаль ұтып алды
Еркін күрестен Қазақстан командасы Тунистегі рейтингтік турнирде өнер көрсетті. Қорытынды есепте ел қоржынында жеті медаль мен команда бойынша ІІІ-орын бар.
Алматы, NEGE. Ұлттық Олимпиада комитетінің баспасөз қызметі хабарлағандай, Азамат Дәулетбеков (86 келіге дейін) пен Әбді-Манап Байкенжеев (92 келіге дейін) Қазақстан қоржынына қос алтын медаль салды.
Талғат Сырбаз (70 келіге дейін), Болат Сақаев (79 келіге дейін) және Мамед Ибрагимовтер (97 келіге дейін) екінші орынды иеленді.
Әділ Асқаров (65 келіге дейін) және Әлішер Ерғали (125 келіге дейін) үшінші орынға ие болды.
