Түкпірдегі ауылдарда балалар мектепке барып оқиды
Эпидемиологиялық ахуалы жақсы шалғай ауыл оқушылары мектепке барып білім алады, деп хабарлады Білім және ғылым министрлігі.
Алматы, NEGE. «Санитарлық-эпидемиологиялық ахуалы жақсы елді мекендердегі мектептерде мектепалды даярлық, 1-11 сынып оқушылары қалыпты режимде оқи береді. Санитарлық талаптар қатаң сақталады», – деп мәлімдеді министрлік өкілдері. Егер ата-аналар баласын мектепке жібермейміз деп ұйғарса, онда мектеп балаларды қашықтан оқытады. Қашықтан оқытуда мынадай қолжетімді құрылғылар мен байланыс құралдары пайдаланылады: интернет-платформа, WhatsApp, компьютер, ноутбук, планшет.